鄧志豪閑話環保

我係「為下一代運動」副召集人，觀塘區議員鄧志豪。

環境污染可以講係下一代將要面對最大既挑戰：全球暖化，沙漠擴展，雨林減少，臭氧層消失。現時種種環境污染問題，其實都係人為造成，大家有冇想過點解香港既冬天，晤單止唔再凍，而且白天總係煙霧瀰漫，空氣質素持續惡化，為咗經濟增長，工業化發展，都市化帶來咗熱島效應，我地其實經已生活係一個蒸籠裏面，如果我地唔盡快面對問題，終有一日，我地連抖氣都有問題，唔通我地真係想我地既下一代，要生活係一個好似科幻小說既世界裏面，一出門口就要著防紫外線太空衣，要帶住防毒面具先可以抖氣，例如干淨食水這些原本捶手可得既天然資源，都要變成稀世奇真？地球環境既危機經已逼在眉睫，我地係唔係想下一代面對環境污染所帶來既苦難呢？要拯救環境，個人同政府都有責任，我地可以從生活上減少浪廢，例如購物時減少使用膠袋，唔再使用會破壞大氣層既揮發性噴劑，我地亦應該敦促政府，制訂有利改善環境既政策，進一步推廣「污染者自付」既概念，開徵「環保稅」，至少我地既下一代，仍然有希望見到美麗既大自然環境。