2007年9月25日 星期二

A message from the Convenor



「為下一代運動」召集人:黃俊煒

我發起「為下一代運動」的概念係來自我的女兒Rachel。有一次,Rachel同我講:「爸爸,我哋可唔可以搬出九龍住?」我問佢點解,Rachel話:「我在九龍返學,如果我哋搬去九龍,我就唔使咁早起身,參加課外活動後返屋企都好方便。」但係Rachel又話:「爸爸雖然係九龍工作,但放工後好多時間返大埔處理地區事務,搬出九龍對爸爸又好唔方便。」最後Rachel自己話為咗爸爸既工作,佢肯早點起床,但係就要我架車送佢返學。

我對於Rachel咁明白事理感到好欣慰,但當我再想深一層,因為我的個人決定,其實係影響緊個女既生活模式,因此我想到作為關心子女既父母,不單止會為佢地提供豐裕的生活,更重要既係讓佢地長大後能夠平衡發展自我,令我想到自己作為一個父親,又是參政人士,我地實在有責任為下一代爭取一個開明和自由平等,可持續的社會制度,我相信早日實踐民主政制,早日推行普選,我們的下一代才能夠生活在一個公平的社會環境。

作為民主派既一份子,我亦希望藉著運動推動社會進步,唔單止講普選,我地仲可以為下一代在教育、醫療、環保等問題上,不斷向政府表達我們作為父母的訴求,以建構未來更理想的社會環境。

沒有留言: