2007年10月10日 星期三

為下一代負責,共同努力爭取2012雙普選


兩個月前,有位朋友向我投訴,話民主派點解仍未對「綠皮書」發表清晰統一既立場,該位朋友又話,雖然「綠皮書」內容悶,但只涉及簡單既選擇,佢唔明白點解民主派要將簡單問題複雜化,話「綠皮書」係個迷宮,搞到大家都覺得好模糊。於是我向佢解釋,泛民對「綠皮書」既批評,涉及憲制上既技術問題,好難期望個個市民都能理解,但係「綠皮書」的確存在陷阱,隨時令到香港市民無法在2012年享受到一人一票既選舉制度,我仍然希望該位朋友,相信泛民堅持爭取普選既信念,泛民既理據確實唔係為反對而反對。

我既朋友係講出咗普羅市民的心聲,港人對改的素求好簡單 –就係盡快普選。所我同一班區議員朋友發起「為下一代運動」,就係希望以父母關心下一代這個概念,鼓勵父母們共同努力爭取普選,為下一代負責。

歷史話畀我地知,民主制度唔会會從天而降,如果您希望下一代在自由及公平的環境中生活,請您坐言起行,與我們同心携手共同努力爭取2012雙普選,為下一代爭取一個比現在更大的民主空間。

沒有留言: